UEFA Gənclər Liqası: \"Qəbələ\" \"Olimpiakos\"a uduzub

“Qəbələ”nin U-19 komandası UEFA Gənclər Liqasında növbəti oyununu keçirib.

 

Sfera.az-ın məlumatına görə, “qırmızı-qaralar” II təsnifat mərhələsində ilk matçına çıxıb.

 

Famil Xəlilovun baş məşqçisi olduğu kollektiv Yunanıstan “Olimpiakos”unu qəbul edib.

 

Qəbələ şəhər stadionunda reallaşan qarşılaşma qonaqların 3:0 hesablı qələbəsi ilə başa çatıb.

 

Tərəflər arasında cavab görüşü noyabrın 29-da Yunanıstanda keçiriləcək.

 

Qeyd edək ki, “Qəbələ” I təsnifat mərhələsində Macarıstanın “Puşkaş Akademiya” klubunu üstələyib – 1:1, 1:0.