“Sumqayıt”ın futbolçusu üçün 2023-cü il bitib
İdman
14:35 / 27.10.2023
9055
“Sumqayıt”ın futbolçusu İsa Suliman üçün 2023-cü il bitib.
Sfera.az-ın klubun rəsmi saytına istinadən məlumatına görə, ingiltərəli müdafiəçi əməliyyat olunub.
Azərbaycan Premyer Liqasının X turunun “Sabah”la oyununda zədələnən 25 yaşlı futbolçuya medial menisk yırtığı diaqnozu qoyulub. Türkiyənin paytaxtı Ankaradakı “Acıbadem” xəstəxanasında tanınmış cərrah, Prof.Dr. Mehmet Sərdar Binnət tərəfindən aparılan əməliyyat uğurlu keçib.
Bu gün Sumqayıta dönəcək İsa Sulimanın bərpa prosesinə burada davam ediləcək. Onun təxminən iki aydan sonra çalışmalara başlayacağı gözlənilir.
