Braziliya futbolunun əfsanəsi - Ronaldo Luis Nazario de Lima və ya sadəcə olaraq "Qızıl top"un qalibi və tarixin ən yaxşı futbolçularından biri olan Ronaldo uzun müddətdir sevgili olduğu Selina Loks ilə evlənib. Qeyd edək ki, bu, futbolçunun üçüncü evliliyidir.
 

Sfera.az xəbər verir ki, “Toothie" ləqəbli 47 yaşlı futbolçu 33 yaşlı model Selina Loks ilə İbizada keçirilən mərasimdə ailə həyatı qurub.
 

Yanvar ayında Karib dənizində tətildə olarkən nişanlanan yeni evlilər bazar ertəsi günorta İbizadakı kilsədə nikah bağlayıblar.
 

Onlar adanın cənub-qərbində, təqaüdçü futbol ulduzunun evinin olduğu kiçik Es Cubells kəndində evləniblər.


"Real"ın və "İnter"in keçmiş hücumçusu ilə 7 il əvvəl görüşməyə başlayan 33 yaşlı Selina sosial şəbəkədə xoşbəxt günlərinin görüntülərini yayıb.
 

Model və yeni həyat yoldaşı İnstaqram paylaşımlarında:
 

"Bu gün biz ailələrimizi intim dini şənlik üçün bir araya gətirdik və bununla da çoxlu bayramlarla dolu bir həftənin başlanğıcını qeyd etdik"-yazıblar.


Gəlin ağ çiçək buketi ilə bəzədilmiş Jacquemusun aplikasiyaları olan fil sümüyü rəngli paltarında heyrətamiz görünüb.
 

Ronaldo ağ kətan kostyum seçib.


Qonaqlar arasında Ronaldonun keçmiş “Real Madrid”də komanda yoldaşı Julio Baptista da olub.


Hazırda İspaniya ikinci divizionu "Real Valyadolid" klubunun prezidenti olan Ronaldo kilsənin qarşısında pərəstişkarları ilə selfi çəkdirib.
 

Dominikan Respublikasında istirahət edən xoşbəxt cütlüyü ilk təbrik edənlərdən biri Ronaldonun keçmiş həyat yoldaşı Milena Dominqes olub.
 

Xatırladaq ki, Ronaldo təkcə futbol sahəsindəki uğurları ilə deyil, həm də təlatümlü şəxsi həyatı ilə məşhurlaşıb.
 

İlk həyat yoldaşı futbolçu Milena Dominqes olub. Ronaldo onun televiziyada oyununu gördükdən sonra ona aşiq olub. Bu evlilikdə Ronald adlı bir oğul dünyaya gəlib. Bundan əvvəl futbolçunun aktrisa Sofiya Vernerlə münasibəti olub.


2005-ci ildə Ronaldo və model Daniella Çikarellinin toyu olub. Dəbdəbəli mərasim Fransada bir qəsrdə keçirilib, lakin sonradan məlum olub ki, onlar heç vaxt rəsmi olaraq ər-arvad olmayıblar. Çünki onların heç biri əvvəlki tərəfdaşlarından boşanmalarını yekunlaşdırmayıb.
 

Cütlük rəsmi toylarını elan etdikləri qala mərasimindən üç ay sonra ayrılıblar. Danielle daha sonra Ronaldonun ona xəyanət etdiyi üçün münasibətlərin bitdiyini bildirib.
 

Münasibətləri bitdikdən sonra Ronaldo mühəndislik tələbəsi Maria Beatrice Enthony ilə evlənib.
 

Ronaldonun birinci həyat yoldaşı Milenadan 23 yaşlı oğlu Ronald, ikinci yoldaşı Mariyadan isə qızları 14 yaşlı Mariya Sofiya və 12 yaşlı Mariya Alis var.
 

Futbolçu 2010-cu ilin dekabrında ofisiant Mişel Umezu ilə münasibətdən indi 17 yaşlı Alexander adlı bir oğul atası olduğu aşkar edildikdən sonra vazektomiya (artıq uşaq istəməyən cütlüklərdə sperm kanallarının bağlanması) etdirdiyini bildirib.
 

Ronaldo daha sonra “Financial Times” qəzetinə spermanın dondurulduğunu deyib və zarafatla hələ də futbol komandasına başlamaq üçün kifayət qədər “bazası” olduğunu deyib.

Digər məşhur futbolçu portuqaliyalı Kriştiano Ronaldo isə sevgilisi Georgina Rodriguez ilə nikah bağlamayacaq. Baxmayaraq ki, o, dəfələrlə həqiqətən evlənmək istədiyini bildirib.

Aynil
Sfera.az