Kadiyə görə "Qarabağ"a olan borcu tamamilə ödədilər
İdman
17:36 / 03.09.2023
7257
«Krasnodar» Kadi Borgesin transferinə görə «Qarabağ»a olan borcunu tamamilə bağlayıb.
Bu haqda Sportinfo.az-a Ağdam klubundan bildirilib.
Redaksiyamıza verilən məlumata görə, Rusiya təmsilçisi yaxınlarda 3 milyon avro köçürmə edib.
Halbuki pul əməliyyatı mayın sonunda həyata keçirilməli idi. Bu periodda maliyyə sıxıntısıyla üzləşən yerli premyerliqa mənsubu ödəməni 2 aydan artıq gecikdirib.
2021-ci ilin yayında «Qarabağ»a gələn braziliyalı legioner 2023-cü ilin yanvarında Rusiyanın yolunu tutub. Vinger «Krasnodar»la 3,5 illik müqavilə imzalayıb.
Bu keçid Azərbaycan çempionuna 5 milyon avro qazandırıb. Razılaşmaya əsasən, göstərilən məbləğin 2 milyonu 7 ay öncə «köhlən atlılar»ın hesabına köçürülüb.
