FİFA İdman Federasiyasının prezidentini öpüşə görə cəzalandırdı - VİDEO
Qadınlar arasında dünya çempionatının finalında mükafatlandırma mərasimində İspaniya İdman Federasiyasının prezidenti Luis Rubiales ispaniyalı forvard Cenni Hermosonun dodaqlarından öpüb.
Sfera.az bildirir ki, bu qəbuledilməz münasibətə etiraz olaraq İspaniyanın qadınlardan ibarət milli komandasının demək olar ki, bütün məşqçilər korpusu istefa verib.
Bu gün, avqustun 26-da 11 məşqçi və texniki heyət Luis Rubialesin davranışını pisləyən birgə bəyanat yayıb. O, dünya çempionatının finalında mükafatlandırma mərasimi zamanı bir qadının iradəsinə zidd olaraq onun dodaqlarından öpüb. Bunun üçün hətta futbolçunun başından tutub. Futbol federasiyası bu davranışı qəbuledilməz adlandırıb. Eyni zamanda Rubiales günahsız olduğunu sübut etmək niyyətindədir.
Həmçinin, futbol federasiyasının əməkdaşları bildiriblər ki, onlara avqustun 25-də İspaniya federasiyası prezidentinin çıxışında iştirak etmək tapşırılıb. Bir çox qadın Luis Rubialesin mövqeyi ilə razılaşdıqlarını bildirmək üçün birinci sırada oturmağa məcbur olub.
FİFA isə öz növbəsində Rubialesi 90 gün müddətinə bütün səviyyələrdə bütün futbol fəaliyyətlərindən uzaqlaşdırıb. FİFA intizam hakimi Xorxe Palasio bildirib ki, futbol federasiyasının prezidentinə Hermoso ilə hətta üçüncü şəxslər vasitəsilə əlaqə saxlamaqdan çəkinmək tövsiyə olunub. Eynilə İspaniya Futbol Federasiyası da futbolçu və onun yaxınları ilə əlaqə saxlamağa çalışmamalıdır.
Qeyd edək ki, Luis Rubiales istefa verməkdən imtina etdiyi, üstəlik, baş verənlərdə özünü qurban kimi göstərməyə çalışdığı üçün FİFA belə bir addım atıb.
Aysel
Sfera.az
