“Real” Arda Gülərə və atasına bu qədər pul ödəyib – ŞOK TRANSFER QİYMƏTİ

Yay transfer pəncərəsinin ən çox maraq doğuran transferi gözləniləndən qat-qat baha qiymətə reallaşıb.

Sfera.az xəbər verir ki, "Fənərbağça"dan "Real"a transfer olunan Türkiyə millisinin üzvü Arda Gülərlə bağlı diqqət çəkən iddia gündəmə gəlib. "Barselona"ya yaxın bir podcast kanalı olan "Siempre Positivo"da yer alan xəbərə görə, "Real" 18 yaşlı futbolçu üçün böyük məbləğ ödəyib.

Xəbərə görə Ardanın müqaviləsində 17,5 milyon avro sərbəst buraxılma maddəsi olmasına baxmayaraq, "Real" xoşməramlılıq əlaməti olaraq "Fənərbağça"ya bonuslar istisna, 20 milyon avro ödəyib. Bundan əlavə madrid klubu Ardanın atası Ümit Gülərə 15 milyon avro verib. Arda atasına bu ödənişdən əlavə 8 milyon avro da alıb.

Ata və oğula edilən ödənişlər ümumilikdə 23 milyon avro olub. Bu da "Fənərbağça"ya ödənilən 20 milyon avronu keçib. 

Komandasının "Real"ın formasını ilk dəfə ABŞ-dəki düşərgədə geyinəcək. Futbolçunun icarəyə götürülüb-götürülməyəcəyi isə hələ dəqiqləşməyib.(Valyuta.az)