Bakıda keçirilən "Formula 1" üzrə Azərbaycan Qran-prisinin qalibi "Red Bull" pilotu, meksikalı Serxio Peres olub. 

Sfera.az xəbər verir ki, o, 51 dövrənin tamamında rəqiblərini qabaqlayıb.

İkinci yerin sahibi də "Red Bull" pilotudur. Maks Ferstappen son dövrələrə qədər komanda yoldaşını sıxışdırsa da yekunda ikinciliklə kifayətlənməli olub. 

Üçüncü yeri "Ferrari"dən Şarl Lekler, dördüncü yeri "Aston Martin"dən Fernando Alonso, beşinci yeri yenə də "Ferrari" komandasından Karlos Sayns tutub. 
Yeddiqat dünya çempionu, "Mercedes"də çıxış edən Lüis Hemilton Qran-prini altıncı sırada bitirib.

Serxio Peres üçün Bakı Şəhər Halqası “Formula1” karyerasında qalib gəldiyi ikinci trek oldu. Xatırladaq ki, meksikalı 2021-ci ildə də Bakıdan qələbə ilə dönmüşdü. 

Orxan