Ölkəsi Yeni Zelandiyanı 2016-cı il Rio Olimpiadasında təmsil edən gənc velosipedçi Oliviya Podmor sosial mediada yazdığı mesajdan sonra 2021-ci il avqust ayında evində ölü tapılıb.
 

Sfera.az 24 yaşlı idmançının yazdığı mesajın təfərrüatlarını təqdim edir.
 

24 may 1997-ci il təvəllüdlü gənc atlet Olivia Podmore əvvəllər ölkəsi Yeni Zelandiyanı 2016-cı il Rio Olimpiadasında təmsil edib.


2020-ci ildə dünya çempionatlarında və qadın yarışlarında iştirak edən gənc ulduz təəssüf ki, keçirilən Tokio Olimpiadasına seçilməyib.


Bazar ertəsi səhər sosial media hesabında silinmiş bir yazıda o:


“İdman həqiqətən də bir çox insan üçün əla platformadır. Siz hər zaman mübarizə aparırsınız, amma hər an çox zövqlüdür. Qalib gəldiyin hiss etdiyinin dünyada tayı-bərabəri yoxdur. Ancaq əlinizdən gələni edib uduzduqda və ya bacarıqlı olsanız belə seçilmirsiniz, zədələnəndə, başqalarının ev, iş, evlilik, uşaq kimi sosial gözləntilərini qarşılaya bilməyəndə belə bir şey yoxdur”.

Bu yazı silindikdən saatlar sonra evində ölü tapılan gənc qadının qardaşı da açıqlama verib.


“Rahat yat mənim gözəl bacım, atamızın dəyərli qızı Fil Podmor. Sən bizim qəlbimizdə əbədi qalacaqsan”.

Əfsanəvi avstraliyalı velosipedçi Enn Meares də sosial media hesabında gənc ulduzu yad edib.
 

“Bu gənc həyatın itkisindən ürəyim parçalandı. Çox təəssüf edirəm ki, ağrınız var. Əgər özünüzü tənha və çarəsiz hiss edirsinizsə, lütfən, ətrafınızdakı insanlara müraciət edin”.
 

Oliviyanın vətəni Yeni Zelandiyanın velosiped icmaları da itkilərinin kədərini bölüşüblər.

 

"Bu çətin anlarda komandamıza, velosiped ictimaiyyətinə və Oliviyanın ailəsinə dəstəyimizi göndəririk. Oliviyanın ailəsinə başsağlığı veririk və ümid edirik ki, media Oliviyanın ailəsinə hörmət göstərəcək."
 

"Tokiodan qayıdan komandamızın və Oliviyanın komanda yoldaşlarının ehtiyaclarını qarşılayırıq. Olivia 2016-cı il Olimpiadasında ölkəmizi uğur və qürurla təmsil etdi".


"O, komandasının böyük bir hissəsi idi və bu itki Yeni Zelandiyanın atletik ictimaiyyəti tərəfindən dərindən hiss olunacaq."

Oliviyanın qəfil ölümünün səbəbi isə açıqlanmayıb.

Xanım

Sfera.az