Azarkeşlər Ronaldonun millinin start heyətində yer almasını istəmir
Kateqoriya məlum deyil
Portuqaliyalı azarkeşlərin böyük əksəriyyəti hesab edir ki, Kriştiano Ronaldo Qətərdə keçirilən dünya çempionatında millinin heyətində start "11-lik"də oynamamalıdır.
Sfera.az xəbər verir ki, “A Bola” nəşrinin oxucular arasında apardığı sorğudan sonra bu nəticəyə gəlmək olar.
Sözügedən sorğunun mahiyyəti Ronaldonun yığmanın əsas heyətində meydana çıxmağa layiq olub-olmaması olub.
Nəticədə respondentlərin 70,5%-i “xeyr”, 29,5% -i isə "bəli" cavabını verib.
Xatırladaq ki, qrup mərhələsində Ronaldo komandasının hər üç oyununda ilk dəqiqələrdən meydana çıxıb.
Qeyd edək ki, Qətərdə keçirilən mundialın 1/8 finalında portuqallar İsveçrə ilə qarşılaşacaq.
