UEFA Superliqa iştirakçılarının ölkə çempionatlarında iştirakına icazə verməyəcək
İdman
12:01 / 19.04.2021
1426
Yeni yaradılan Superliqa ilə bağlı UEFA, İngiltərə Premyer Liqası, İspaniya La Liqası və İtaliya A seriyası birgə bəyanat yayıb.
Adıçəkilən qurumlar həmin turnirə qatılacaq klubların ciddi cəzalandırılacağını bildirib.
Hətta yarışda iştirak edəcək komandalar ölkə çempionatlarından da çıxarılmaq xəbərdarlığı alıb: "Avropa Superliqasına qatılacaq klublar daxili çempionatlardan çıxarılacaq. Bu layihə birliyə hər zamankından daha çox ehtiyac duyulduğu bir vaxtda yalnız bir neçə klubun xeyrinədir. Bunun qarşısını almaq üçün həm hüquqi, həm də idman prinsiplərinə uyğun tədbirlər görüləcək”.
Qeyd edək ki, İngiltərənin "Mançester Yunayted”, "Mançester Siti”, "Tottenhem”, "Liverpul”, "Çelsi”, "Arsenal”, İspaniyanın "Barselona”, "Atletiko”, "Real”, İtaliyanın "Milan”, "İnter” və "Yuventus” klublarının Superliqada iştirakı təsdiqlənib.
