Həbib Nurməhəmmədov tarixin ən yaxşı futbolçusunu açıqladı

İdman
21:00 / 02.04.2021
2056
Rusiyanın MMA döyüşçüsü Həbib Nurməhəmmədov İtaliya "Yuventus"unda çıxış edən Kriştianu Ronaldunu tarixin ən yaxşı futbolçusu adlandırıb.
Sfera.az-ın məlumatına görə, dağıstanlı idmançı "UFC Russia" yutub kanalına müsahibəsində portuqaliyalı ulduz hücumçunun daim sabit çıxış etdiyini bildirib.
Nurməhəmmədovun sözlərinə görə, 36 yaşlı forvard 16 ildir zirvədədir: "Bu insan hələ 2004-cü ildə Avropa çempionatının finalında Yunanıstana uduzan Portuqaliya millisinin heyətində idi. O vaxtdan bugünədək bombardirlər siyahısında liderdir. 16 ildir eyni səviyyədə çıxış edir".
Qeyd edək ki, Kriştianu Ronaldu ilə Həbib Nurməhəmmədov yaxın dostdur.