Stoykoviç: "Azərbaycanın oyunu bizi təəccübləndirdi"

İdman
22:54 / 30.03.2021
1578
Futbol üzrə Azərbaycan millisi DÇ-2022-nin seçmə mərhələsində Serbiya yığmasını qəbul edib. Bakı Olimpiya Stadionunda oynanılan qarşılaşma serbiyalıların 2:1 hesablı qələbəsi ilə yekunlaşıb.
Sfera.az xəbər verir ki, qonaqların baş məşqçisi Draqan Stoykoviç qələbəni belə şərh edib:
"Bizi çətin oyun gözlədiyini bilirdik. Azərbaycan yığmasının oyunu bizi çox təəccübləndirdi. Qarşımızda yaxşı qurulan komanda vardı, xüsusilə müdafiədə. Meydanı qol buraxmadan tərk etmək istəyirdik. Əks hücumdan sonra qol buraxdıq və rəqibə hesabda önə keçmə şansı yaratdıq. Bu məni çox əsəbləşdirdi. Oyunun yekunundan razı qaldım. Məqsədimiz qələbə qazanmaq idi, buna da nail olduq. Bakı çox gözəl şəhərdir. Son dəfə 2003-cü ildə burda olmuşdum. Bakı çox dəyişib. Bura ailəmlə turist kimi gələcəm".