Bakı metrosunda qorxulu anlar: Relslərin üzərinə yıxılan 85 yaşlı qadın imiş - YENİLƏNİB
13:24 / 16.03.2018
3265
Metronun "İçərişəhər" stansiyasında baş verən hadisənin detallar məlum olub.
Sfera.az bildirir ki, relslərin üzərinə yıxılan 85 yaşlı Məmmədova Sürayyə Söhbət qızıdır. O, "İçərişəhər" stansiyasında qatar dayananda birinci vaqonun birinci qapısından düşüb. Sola dönüb stansiyadan çıxmaq əvəzinə sağa dönərək qatarın qabağından relslərin üstünə yıxılıb. Gərginliyi çıxarıb xanımı stansiya yolundan çıxardıblar. Görünüşdə ciddi xəsarət müşahidə edilməsə də təcili tibbi yardım çağrılıb.
Baş verənlər səbəbilə, 3 dəqiqə gecikmə yaranıb.
***
13:04
Bu dəqiqələrdə (12:55) "İçərişəhər" stansiyasında sərnişin relslərin üstünə yıxılıb.
"Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev Sfera.az-a bu haqda məlumat verib:
"Bu dəqiqələrdə (12:55) "İçərişəhər" stansiyasında sərnişin qatar yoluna yıxılıb. Qatar olmayan vaxtda, sərnişini çıxartmağa çalışırıq. Xətdə müəyyən gecikmə olacaq. Xahiş olunur nəzərə alasınız. Daha ətraflı 10 dq sonra məlumat verə bilərəm”.
İlkin məlumata görə, relslərin üzərinə yıxılan sərnişin yaşlı qadındır.
Nigar Məhərrəm
Sfera.az
