Cərrah: “Pul verməsən, qardaşınızın ayağını kəsəcəm”

Moskva Vilayəti, Ximki Şəhər Məhkəməsi dələduzluqda təqsirləndirilən həkim-onkoloq Anatoli Antonov barədə hökm çıxarıb.

Sfera.az Rusiya mətbuatına istinadən xəbər verir ki, o, 2 il müddətinə islah işlərinə məhkum edilib.

İş materiallarında göstərilir ki, 2017-ci ildə Moskvada Antonovun çalışdığı xəstəxanaya ağır xəstə daxil olub. Vəziyyətdən sui-istifadə edən həkim xəstənin bacısına deyir ki, burada, yəni dövlət xəstəxanasında qalsa, gərək qardaşının ayağını kəsələr. Yaxşı müalicə istəyirlərsə, özəl xəstəxanaya getməlidirlər.

Antonov pasienti özəl xəstəxanaya keçirməyinə və müalicəsinə söz verir və bunun üçün pul tələb edir.

Ancaq qadın rüşvət vermək istəmir, bu haqda hüquq-mühafizə orqanlarına xəbər verir. Pul verilən gün Antonov polis tərəfindən həbs olunur.

İlqar