Ağcabədidə 21 yaşlı tələbə qız qaçırıldı
17:46 / 25.02.2018
3734
Ağcabədi rayonunda 21 yaşlı tələbə qız qaçırılıb.
Sfera.az "Report”a istinadən xəbər verir ki, hadisə şəhərin S.Vurğun küçəsində baş verib.
Qızın anası Nazilə Musayeva "Report"a açıqlamasında qızı Sevinc Musayevanın zorla qaçırıldığını iddia edib. Artıq 3 gündür qızından xəbər ala bilməyən ana hüquq-mühafizə orqanlarına məlumat verib.
Məlumatda o da bildirilir ki, ehitimala görə, qızı İsmayıllı rayonundan Ağcabədiyə qonaq gələn şəxs qaçırıb.
S.Musayeva Azərbaycan Dövlət Pedaqoji Universitetinin Ağcabədi filialının 2-ci kurs tələbəsidir.
Faktla bağlı araşdırma aparılır.
