Dəhşət: Azərbaycanlı idmançı nazirliyin önündə özünü yandırmaq istədi - VİDEO
Hadisə
17:49 / 11.08.2017
1855
Azərbaycanlı boksçu Emin İsmayılov təkbaşına aksiya keçirib.
Sfera.az-ın məlumatına görə, idmançı Gənclər və İdman Nazirliyinin binası önünə benzin töküb və nazirliyə təkbaşına etiraz edib.
İdmançı deyib: "3 ildir ki, məni süründürürsüz, dinləmirsiz. Əgər cəsarətiniz varsa, mənə yaxınlaşın, kimsə məni yaxınlaşsa, özümü yandıracam".
O həmçinin qeyd edib ki, yaxın günlərdə özünü yandıracaq.
Ərazidə olan polislərin müdaxiləsindən sonra idmançı hadisə yerindən uzaqlaşdırılıb. Dostlarının dediyinə görə, 3 saatdan çoxdur ki, ondan xəbər yoxdur.
Qeyd edək ki, boksçu Emin İsmayılov bir neçə müddətdir ki, ciddi zədədən əziyyət çəkir. O dəfələrlə müalicəsi üçün nazirliyə müraciət etsə də, müsbət cavab ala bilməyib. Bu səbəbdən də boksçu özünü yandıracağını deyib.
Həmin videonu təqdim edirik:
