Bakıda 3 yaşlı uşaq bıçaqlanıb? - TƏFƏRRÜAT - YENİLƏNİB
![Bakıda 3 yaşlı uşaq bıçaqlanıb? - TƏFƏRRÜAT - YENİLƏNİB](https://sfera.az/photo/orginal/2017/05/08/352297.jpg)
16:30
Bakıda bıçaqlandığı bildirilən 3 yaşlı uşağı başqa səbəbdən xəsarət aldığı məlum olub.
Sfera.az bildirir ki, üç yaşlı Ümid Cəbrayılovun anası Çiçək Cəbrayılova report-a açıqlamasında övladının üstünə çilçıraq (lüstur) düşdüyünü deyib: "Lüsturu yuyub paltar dolabının üstünə qoymuşdum. Ümid bacısı ilə oynayarkən dolaba toxunub. Nəticədə lüstur onun belinə düşüb. O, kürək nahiyəsindən xəsarət alıb".
Hazırda uşağın vəziyyəti sabit orta-ağırdır.
Qeyd edək ki, Ü.Cəbrayılovla bağlı məlumatın "bıçaqlanma" kimi getməsinə səbəb onun yerləşdirildiyi xəstəxananın "Qeydiyyat kitabçası"nda qeydlərin səhv aparılması olub.
-----------
08:55
Bakıda 3 yaşlı uşaq naməlum şəraitdə bıçaqlanıb.
Sfera.az report.az-a istinadən bildirir ki, hadisə Suraxanı rayonu, Qaraçuxur qəsəbəsi, Y.Eyvazov küçəsində yerləşən evlərin birində qeydə alınıb.
Belə ki, 2014-cü il təvəllüdlü Cəbrayılov Ümid Samir oğlu bel və kürək nahiyəsindən bıçaqla kəsilmiş-deşilmiş xəsarətlər alıb. O, xəstəxanaya yerləşdirilib. Faktla bağlı Suraxanı Rayon Polis İdarəsi tərəfindən araşdırma aparılır.