Azərbaycanda nazirin qardaşı oğlu qəza törətdi: ailəsi və polkovnik həlak oldu
![Azərbaycanda nazirin qardaşı oğlu qəza törətdi: ailəsi və polkovnik həlak oldu](https://sfera.az/photo/orginal/2017/05/08/352262.jpg)
Dünən Naxçıvan MR Kəngərli rayonu ərazisində dəhşətli yol qəzası baş verib.
Ötən gecə saat 22:00 radələrində Kəngərli rayonunda (Qıvraq düzü deyilən ərazidə) Nuran Ələkbərova məxsus "Mercedes" markalı 68-BC-222 dövlət nömrə nişanlı avtomobillə N saylı hərbi hissənin yüksək rütbəli zabitinin idarə etdiyi nömrəsi, hələ ki, bəlli olmayan minik avtomobilləri toquşub.
Nəticədə "Mercedes" markalı avtomobildə olan Naxçıvan DİN-nin əməkdaşı Nuran Ələkbərov, onun həyat yoldaşı və azyaşlı uşağı hadisə yerində həlak olub. Digər avtomobildə olan N saylı hərbi hissənin Nizami Hissə rəisi, Polkovnik Minemət Eminov da hadisə yerində vəfat edib. Dərhal hadisə yerinə yüksək rütbəli məmurlar, hüquq mühafizə orqanlarının əməkdaşları gəliblər. Faktla bağlı araşdırma aparılır.
Qeyd edək ki, "Mercedes" markalı avtomobili idarə edən Nuran Ələkbərov Naxçıvan MR Dövlət Təhlükəsizlik Xidmətinin rəisi, general Fazil Ələkbərovun qardaşı oğludur.