Polkovnik Rauf Əsədov vəfat etdi – O, məşhur müğənninin qardaşıdır
Ədliyyə Nazirliyinin Penitensiar Xidmətinin Mühafizə Alayının komandiri, polkovnik Rauf Əsədov dünyasını dəyişib.
Sfera.az xəbər verir ki, bu barədə tanınmış aparıcı Tarix Əliyev sosial şəbəkə hesabında məlumat verib. O bildirib ki, Rauf Əsədov onun yaxın dostu, sirdaşı olub və ailəsinə bağlılığı ilə seçilən nümunəvi bir insan kimi tanınıb.
“Əziz dostum, Könülümün doğma qardaşı – Ədliyyə Nazirliyinin Penitensiar Xidmətinin Mühafizə Alayının komandiri, polkovnik Rauf müəllim Əsədov bu dünyadan köçdü”, – deyə Tarix Əliyev paylaşımında qeyd edib.
Tarix Əliyev mərhumun bacısı, tanınmış müğənni Könül Kərimovaya başsağlığı verərək onun fədakar və sadiq bir bacı olduğunu vurğulayıb.
“Rauf müəllimin qəfil vəfatı bizi dərindən sarsıtdı. Onun yoxluğu təkcə ailəniz üçün deyil, onu tanıyan hər bir insan üçün böyük itkidir”, – deyə o qeyd edib.
Bəsti Rəfizadə
Sfera.az
