64 yaşlı kişi 52 il bağırsağında diş fırçası ilə YAŞAYIB

Çində həkimlər 64 yaşlı bir kişini xilas ediblər. O, 52 il ərzində bağırsağında diş fırçası ilə yaşayıb.

 

Sfera.az xəbər verir ki, bu barədə informasiyanı “South China Morning Post” yayıb.

Məlumata görə, Anxoy vilayətindən olan və soyadı Yan olan kişi həkimlərə qarın və bağırsaq nahiyəsində narahatlıq şikayəti ilə müraciət edib. O bildirib ki, 12 yaşında olarkən təsadüfən diş fırçasını udub, lakin qorxduğuna görə bunu valideynlərinə deməyib, elə bilib ki, fırça bədəndə özü-özünə əriməklə yox olacaq.

Zaman keçdikcə bu hadisəni unutduğunu deyən Yanın müayinəsi zamanı 17 santimetrlik diş fırçasının nazik bağırsaqda ilişib qaldığı aşkar edilib.
 

Həkimlər endoskopik əməliyyatla yad cismi çıxarmağı bacarıblar. Əməliyyat 80 dəqiqə davam edib. Həkimlər bildiriblər ki, pasiyent çox böyük şansa sahib olub, çünki fırça bağırsağın büküş hissəsində ilişib qalıb və onillərlə hərəkət etmədən orada qalıb, bu da onun daxili orqanlarına ciddi zərər verməsinin qarşısını alıb.