Qazaxda 4 nəfərin öldüyü yol qəzasının təfərrütaları məlum oldu
Qazaxda 4 nəfərin həyatını itirdiyi qəzanın bəzi təfərrüatları məlum olub.
Sfera.az Teleqraf-a istinadən xəbər verir ki, hadisə zamanı qəza törədən "BMW" markalı avtomobil 1997-ci il təvəllüdlü Ramal Vəliyevə məxsus olub.
Hadisədən öncə Ramal Vəliyevlə yanaşı, Rafət Nəsibov şəxsi avtomobilləri ilə Abbasbəyli kəndi gediblər. Onlar restoranların birində yeyib-içdikdən sonra Ramal Vəliyevə aid "BMW" markalı abtomobil ilə Fərəhli kəndinə qayıdıblar.
Lakin sonradan Rafət Nəsibovun avtomobilinin Abbasbəyli kəndində undulduğu məlum olub. Həmin maşını gətirmək üçün yenidən geri dönüblər. Hadisə də həmin an baş verib. "BMW" markalı avtomobil idarəetməni itirərək, öncə işıq dirəyinə dəyib, daha sonra isə qarşıdakı mağazaya çırpılıb.
Nəticədə maşında olan Ramal Vəliyevlə yanaşı, 2000-ci il təvəllüdlü Zaur Əhmədov, 1997-ci il təvəllüdlü Rafət Nəsibov və 2004-cü il təvəllüdlü Göyüş Nəbiyev hadisə yerində ölüblər.
Qeydə edək ki, ölən şəxslər Fərəhli kənd sakinləridirlər.
