Xaçmazda 21 yaşlı gənc faciəvi şəkildə öldü

Xaçmazda ölümlə nəticələnən yol-nəqliyyat hadisəsi baş verib.

Sfera.az Unikal.az-a istinadən xəbər verir ki, hadisə Gəndob-Yalama yolunun Xaçmaz rayonunun Çinartala kəndi ərazisindən keçən hissəsində qeydə alınıb.

"Mersedes" markalı avtomobilin ağaca çırpılması nəticəsində maşında olan sərnişin, Xaçmazın Qusarçay kənd sakini 21 yaşlı Araz Etibar oğlu Məmmədov aldığı xəsarətlərdən ölüb.

Avtomobildə olan digər 3 nəfər isə müxtəlif dərəcəli bədən xəsarətləri alıb.

Faktla bağlı araşdırma aparılır.