Məşhur müğənni faciəli şəkildə həyatını itirdi - FOTO
ABŞ-li tanınmış müğənni və mahnı müəllifi Jill Sobule Minnesota ştatının Vudburi şəhərində yaşadığı evdə baş verən yanğında həyatını itirib. 66 yaşlı sənətkarın cəsədi hadisə yerində tapılıb. Yanğının başvermə səbəbi hələ müəyyən olunmayıb, məsələ ilə bağlı araşdırmalara başlanılıb.
Sfera.az xarici mediaya istinadən xəbər verir ki, Sobule hadisə baş verən zaman evdə olub və yanğınsöndürənlərin bütün səylərinə baxmayaraq xilas edilə bilməyib.
Sağlamlıq durumu yaxşı olan və musiqi fəaliyyətini aktiv şəkildə davam etdirən sənətçinin ölümü musiqi ictimaiyyətində böyük üzüntü ilə qarşılanıb.
Jill Sobule 1995-ci ildə çəkilən “Clueless” filmində səslənən “Supermodel” adlı satirik mahnısı ilə məşhurlaşmış, 1990-cı illərin sonunda yayımlanan “I Kissed a Girl” adlı parçası ilə də geniş diqqət qazanmışdı. Onun özünəməxsus musiqi tərzi və güclü söz yazarlığı onu dövrünün aparıcı alternativ musiqiçilərindən birinə çevirmişdi.
Bəsti Rəfizadə
Sfera.az
