Dostunun maşınını götürən bank işçisi qəza törətdi, həlak oldu - YENİLƏNİB - FOTO
11:40
Ötən gecə saat 1 radələrində Salyan rayonunun Kürqaraqaşlı kəndi ərazisində, Salyan Mərkəzi Rayon Xəstəxanasının qarşısında ağır yol nəqliyyat hadisəsi baş verib.
Sfera.az-ın virtualaz.org-a istinadən məlumatına görə, Salyan şəhər sakini, 1993-cü ildə anadan olmuş Sadıqlı Elvin Namiq oğluna məxsus 90 RA 093 dövlət nömrə nişanlı "VAZ-PRİORA" markalı avtomaşın yüksək sürətlə hərəkətdə olarkən idarəetməni itirərək yolun kənarındakı dönərxana kimi istifadə olunan tikiliyə çırpılıb.
Hadisə nəticəsində avtomobilin sükanı arxasında olan və dostunun maşınını idarə edən 1990-cı il təvəllüdlü Salyan rayonu, Kürqaraqaşlı kənd sakini, AccessBank-ın Salyan filialının əməkdaşı Qasımov Elvin Xalıq oğlu aldığı ağır xəsarətlərdən hadisə yerində dünyasını dəyişib. Onun sükan arxasında sıxılıb qalmış cəsədi FHN əməkdaşları tərəfindən çıxarılıb və aidiyyəti üzrə təhvil verilib.
Avtomobilin sahibi Elvin Sadıqlı isə qapalı kəllə-beyin travması ilə Salyan Mərkəzi Rayon Xəstəxanasına yerləşdirilib.
Faktla bağlı Salyan Rayon Polis Şöbəsində araşdırmalara başlanılıb.
----------
07:53
Fövqəladə Hallar Nazirliyinin Böhran Vəziyyətlərində İdarəetmə Mərkəzinə Salyan rayonu, Kür Qaraqaşlı kəndi ərazisində "VAZ" markalı minik avtomobilin qəzaya uğraması barədə məlumat daxil olub.
Fövqəladə Hallar Nazirliyindən Milli.Az-a verilən məlumata görə, dərhal nazirliyin Muğan Regional Mərkəzinin xilasetmə qüvvələri hadisə yerinə cəlb olunaraq avtomobildə sıxılmış vəziyyətdə qalmış 1990-ci il təvəllüdlü Qasımov Elvin Xalıd oğlunun cəsədini çıxarmış və aidiyyatı üzrə təhvil veriblər.
Əməliyyat saat 01:22-də başa çatıb.
