Myanmada zəlzələ qurbanlarının sayı artacaq - "Ərazidə 796 000 insan yaşayır"
Myanmada 7,7 bal gücündə zəlzələnin baş verdiyi və ən çox zərərin dəydiyi ərazidə 796 000 insan yaşayır.
Sfera.az xəbər verir ki, bunu Amerika Birləşmiş Ştatları Geoloji Xidmətinin hesablamaları göstərir.
Məlumata görə, dağıntıdan dəyən iqtisadi zərərin miqyası 10 milyard dolları keçə bilər ki, bu da ölkənin ÜDM-nin 70%-ni təşkil edir.
Xatırladaq ki, Myanmada cümə günü saat 12:50-də (GMT 6:20) güclü zəlzələ baş verib. Müxtəlif mənbələr zəlzələnin maqnitudasını 7,7-dən 7,9-a çatdırıb. Bundan sonra 6,4 bal gücündə ikinci böyük zəlzələ baş verib. Yeraltı təkanlar Çin, Tailand və Vyetnamda hiss olunub. Banqkokda binanın uçması nəticəsində 8 nəfər ölüb, 110-dan çox insan itkin düşüb.
Son məlumata görə, Myanmada zəlzələ nəticəsində ölənlərin sayı 1000-ə çatıb, daha 1670 nəfər yaralanıb, indiyədək 68 nəfər itkin düşmüş hesab olunur.
Firuzə Əliyeva
