Sumqayıtda Reabilitasiya Mərkəzində baş verən yanğın söndürüldü - YENİLƏNİB

Yanğınsöndürənlərin çevik müdaxiləsi sayəsində üçmərtəbəli tikilinin 3-cü mərtəbəsində baş vermiş yanğın genişlənərək digər mərtəbələrə yayılmasına imkan verilmədən qısa müddətdə söndürülüb.

Sfera.az bildirir ki, yanğın nəticəsində ümumi sahəsi 540kv.m. olan tikilinin taxta konstruksiyalardan ibarət 3-cü mərtəbəsi əşyaları ilə birgə 180 kv.m. sahədə yanıb.

Tikilinin 1 və 2-ci mərtəbələri yanğından mühafizə olunub.

Hadisə nəticəsində xəsarət alan olmayıb.

*******

13:15

Sumqayıtda tikilidə yanğın başlayıb.

Sfera.az xəbər verir ki, hadisə Reabilitasiya Mərkəzində olub.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri və texnikası cəlb olunub.

Bildirilib ki, hazırda yanğının söndürülməsi istiqamətində tədbirlər davam etdirilir.

Qeyd edək ki, sözügedən mərkəz narkotik aludəçilərinin müalicəsi üçün nəzərdə tutulub. (Report)