Yaponiyada meşələr yanır - Son 30 ilin rekordu

Yaponiyada meşə yanğınları səbəbindən 2100 hektardan çox ərazi külə dönüb.

Sfera.az "CNN Türk"ə istinadən xəbər verir ki, bu, Yaponiyada son 30 ildə qeydə alınan ən böyük meşə yanğınıdır. 

Yanğınlar ölkənin şimalındakı Ofunatoda bölgəsində baş verib. Yanğınların qarşısını almaq üçün 14 rayondan 2 mindən çox yanğınsöndürən cəlb edilib. Söndürmə işlərinə helikopterlər də havadan dəstək verir. 

Yaponiyanın şimalındakı Ofunatoda baş verən yanğınlarda bir nəfərin öldüyü açıqlanıb. Bildirilib ki, Ofunatoda son 20 ilin ən quraq fevral günləri geridə qalıb. Yanğınların təsirinə məruz qalan ərazilərdə 5 min insanın təxliyə edildiyi bildirilir. 

Bəsti Rəfizadə