Sabirabadda maşın kanala düşdü: 5 nəfər yaralandı
Sabirabad rayonunda avtomobilin kanala aşması nəticəsində beş nəfər yaralanıb.
Sfera.az-ın Report-a istinadən məlumatına görə, hadisə rayonun Şıxlar kəndi ərazində qeydə alınıb.
Belə ki, hərəkətdə olan “Toyota Prius” markalı minik vatomobili anidən idarəetmədən çıxaraq yolun kənarındakı su kanalına aşıb.
Qəza nəticəsində Sabirabad rayon sakinləri – 1977-ci il təvəllüdlü Babək Yusif oğlu Abbasov, 2001-ci il təvəllüdlü Əvəz Rəhman oğlu Adilov, 1991-ci il təvəllüdlü Davud Ramiz oğlu Fərəcov, 1991-ci il təvəllüdlü Ceyhun Məhəmməd oğlu Hüseynov və Abşeronun Xırdalan qəsəbəsinin sakini 1998-ci il təvəllüdlü Babək Ehtiram oğlu Məmmədzadə müxtəlif dərəcəli xəsarətlər alıblar.
Zərərçəkmişlər Sabirabad Rayon Mərkəzi Xəstəxanasına çatdırılıblar.
Faktla bağlı araşdırma aparılır.
