Yas çadırı qurub geri qayıdırlarmış - Altı nəfərin öldüyü qəzanın təfərrüatı

Dünən axşam saatlarında Ağcabədi rayonu Xocavənd kəndi ərazisində 6 nəfərin ölümü ilə nəticələnən dəhşətli qəza ilə bağlı bəzi faktlar üzə çıxıb.

Sfera.az “Qafqazinfo”ya istinadən xəbər verir ki, qəzada həyatını itirən 6 nəfərin hamısı rayonun Boyat kənd sakinləri olub.

Onlar Ağcabədinin kəndlərindən birində yas mərasimi üçün çadır quraşdıraraq geriyə-yaşadıqları əraziyə qayıdarkən bədbəxt hadisə ilə üzləşiblər.

Bildirilir ki, hadisənin baş verdiyi yolda sürət həddi saatda 70 kilometr olsa da, avtomobillərdən biri daha sürətlə hərəkət edərək arxadan “VAZ” markalı avtomobilə çırpılıb. Nəticədə idarəetmədən çıxan avtomobil yolun əks hərəkət istqamətinə çıxıb və qarşıdan gələn digər avtomobillə yenidən toqquşub və 6 nəfər dünyasını dəyişib.