10 mindən çox milyonçu Böyük Britaniyanı tərk etdi

Böyük Britaniyada Leyboristlər Partiyasının lideri Kir Starmer Baş nazir postuna gələndən bəri rekord sayda milyonçu ölkəni tərk edib.

Sfera.az xarici KİV-ə istinadən xəbər verir ki, onların İngiltərədən getməsinə səbəb isə Leyboristlərin vergi planlarının iqtisadiyyata zərər vurması qorxusu olub.

Britaniya keçən il 10 mindən çox milyonçu itirib ki, bu da 2023-cü ildən 157 faiz çoxdur. Bu o deməkdir ki, Böyük Britaniya Çin istisna olmaqla dünyanın hər hansı ölkəsindən daha çox varlı sakinlərini itirib.

Böyük Britaniyanın ən zəngin vətəndaşları əsasən İtaliya və İsveçrə kimi digər Avropa ölkələrinə, eləcə də Birləşmiş Ərəb Əmirliklərinə gediblər.