Keçmiş “Dəyirman” qrupunun üzvü, Malik Kələntərli (ABD Malik) dələduzluq halı ilə qarşılaşıb.

Sfera.az bildirir ki, bu barədə o, sosial media hesabında paylaşım edib.

ABD Malik izləyicilərinə də bu istiqamətdə xəbərdarlıq edib:

“Hamı bilir ki, son zamanlar naməlum nömrələrdən ailə üzvlərinə, yaxınlara zənglər gəlir, pul istəyirlər, qorxudurlar və.s. Bu dəfə lap təhlükəli bir şey baş verib. Mənim ailə üzvümün telefonuna zəng gəlib və mənim nömrəmdən...Nömrə rəqəm kimi də görünmür, kontaktlarda necə yazılıbsa, o formada gəlib. Mən zəngə cavab verdim, gördüm ki, mənim səsimlə pul istəyirlər, “filan yerdəyəm, filan şey baş verib, təcili pul göndər, mən gözləyirəm” kimi sözlər deyilir. Nəsə dedim, “adboy” verdilər. Ondan sonra bilmədim hara zəng vurum, çünki gələn zəng mənim nömrəmdən idi..Sabah sizin uşağınıza, yoldaşınıza sizin adınızdan, nömrənizdən artıq zənglər gəlsə, ehtiyatlı olun”.

ABD Malik bu istiqamətdə ailə üzvləri ilə birlikdə ortaq qərara gəldiklərini də açıqlayıb:

“Qərara gəldik ki, bizim ailədə bir məxfi söz olsun. Əgər sabah hiss etsəniz ki, qeyri-adi zəngdir, ata adətən belə danışmır, belə suallar vermir, bu məxfi sözü istəyin. Yəni hələ ki, biz belə bir çıxış yolu seçdik. Ehtiyatlı olun”.

Günay

Bu gönderiyi Instagram'da gör

ABD Malik (@thisisabdmalik)'in paylaştığı bir gönderi

ABD Malik dələduzluqla üzləşdi: "Sizə belə zənglər gəlsə..." - VİDEO