Dumanlı hava qəzaya səbəb oldu - Ölən var

Qusarda ölümlə nəticələnən ağır yol-nəqliyyat hadisəsi baş verib.

Sfera.az Qafqazinfo-ya istinadən xəbər verir ki, hadisə Qusar-Şahdağ avtomobil yolunda baş verib. 

Belə ki, “Nissan Patrul” markalı minik avtomobilinin sürücüsü hərəkətdə olarkən idarəetməni itirib və avtomobili əvvəlcə “Mercedes Viano” markalı sərnişin mikroavtobusuna, daha sonra isə avtomobili yol kənarındakı ağaca vurub.

Qəza zamanı Bakı şəhər sakini 2014-cü il təvəllüdlü Əliyev Ziya Əziz oğlu hadisə yerində ölüb.

İlkin ehtimala görə qəza havanın dumanlı olması səbəbilə baş verib.

Faktla bağlı araşdırma aparılır.