"Pilotumuz Rusiya hava məkanından çıxmaq üçün..." - Qəza ilə bağlı daha bir AÇIQLAMA
Qazaxıstanda qəzaya uğrayan Azərbaycana məxsus sərnişin təyyarəsi ilə bağlı sual yaradan bir sıra məsələlərin olduğu hər kəsə məlumdur. Bunlardan biri də, təyyarənin niyə Mahaçqaladan Bakıya deyil, Aktauya uçması ilə əlaqəlidir.
Bu barədə Sfera.az-a açıqlama verən politoloq Zaur Məmmədov deyib ki, bunun mümkün səbəbi ilk olaraq Bakı ilə müqayisədə Mahaçqaladan Aktauya məsafənin nisbətən yaxın olmasıdır:
“Əsas səbəb isə güman ki, təyyarənin hücuma məruz qaldığını anlayan pilotun Rusiyanın hava məkanını təcili tərk etmək istəməsidir. Mahaçqala və Bakı arasında hava məsafəsi 350 kilometr, Mahaçqala və Aktau arasında hava məsafəsi isə 300 kilometr təşkil edir. Bununla yanaşı, Aktau istiqamətində hərəkət etdiyi təqdirdə, təyyarə Rusiyanın hava məkanını daha tez tərk etmiş olurdu”.
Ekspert bildirdi ki, təyyarə Aktau istiqamətində hərəkət etdiyi zaman dərhal dənizə açılır və Rusiyanın hava məkanından çıxır: “Bakı istiqamətində hərəkət etdiyi zaman isə əlavə olaraq təxminən daha 100 kilometr Rusiyanın hava məkanında qalmalı idi”.
Günay
