Təyyarə qəzasında 28 nəfər sağ qalıb: Üçü uşaqdır - YENİLƏNDİ-3
“Aktau şəhəri yaxınlığında sərnişin təyyarəsinin qəzaya uğraması nəticəsində 28 nəfər sağ qalıb”.
Sfera.az bildirir ki, bu barədə Respublika Fövqəladə Hallar Nazirliyinin mətbuat xidmətindən məlumat verilib.
“Təyyarənin göyərtəsində 67 nəfər, o cümlədən 5 ekipaj üzvü olub”, - məlumatda bildirilib. Qeyd olunub ki, qəza yerinə 150 canlı qüvvə və 45 texnika cəlb olunub, Sərnişin siyahıları yenilənir.
***
12:28
Qazaxıstanın Aktau şəhərində “Azərbaycan Hava Yolları” aviaşirkətinə məxsus təyyarənin qəzaya uğraması nəticəsində xəsarət alan 27 nəfər xəstəxanaya yerləşdirilib.
Sfera.az bildirir ki, bu barədə Qazaxıstan Fövqəladə Halllar Nazirliyi məlumat yayıb.
Qeyd olunub ki, xəsarət alanlardan 3-ü uşaqdır.
***
12:17
Təyyarə qəzasında 25 nəfər sağ qalıb.
Sfera.az bildirir ki, bu barədə Qazaxıstan Fövqəladə Hallar Nazirliyi məlumat yayıb.
“Qazaxıstanda qəzaya uğrayan təyyarədə 25 nəfər sağ qalıb. 22 nəfər xəstəxanaya yerləşdirilib”, deyə qurum bildirib.
Günay
***
12:07
Qəza yerindən 12 nəfər xəstəxanaya yerləşdirilib.
Sfera.az bildirir ki, bu barədə Manqistau vilayətinin Səhiyyə Nazirliyi məlumat yayıb.
“Qazaxıstanın Aktau şəhərində təyyarənin qəzaya uğradığı ərazidən biri uşaq olmaqla 12 nəfər xəstəxanaya yerləşdirilib. Müxtəlif xəsarətlərlə 12 nəfər Aktaudakı Manqistau regional xəstəxanasına çatdırılıb. Ölən sərnişinlərdən biri uşaqdır”, - Səhiyyə Nazirliyi qeyd edib.
Qeyd edək ki, dekabrın 25-i günorta saatlarında Bakıdan Qroznıya uçan “Embraer 190” təyyarəsi qəzaya uğrayıb.
Günay
