İki motosiklet sürücüsü qəzada ÖLDÜ
Dünən Neftçalada ağır yol qəzası baş verib.
Sfera.az xəbər verir ki, rayonun Sarıqamış kəndi ərazisində 1961-ci il təvəllüdlü Hüseynov Məzahim Səftər oğlunun idarə etdiyi “İj-Planet 5” markalı motosiklet aşıb. İdarəetmdən çıxaraq yol kənarına aşan motosikletin sürücüsü aldığı bədən xəsarətləri nəticəsində hadisə yerində ölüb.
Ötən gün Qazaxda da motosikletçinin ölümü ilə nəticələnən hadisə baş verib. Rayonun Canallı kənd sakini 1963-cü il təvəllüdlü Hacıməmmədov Elşad Əmirastan oğlu idarə etdiyi “VAZ-21099” markalı avtomobillə hərəkətdə olan zaman əks istiqamətdə hərəkətdə olan Ağstafa rayonu Saloğlu qəsəbə sakini 2005-ci il təvəllüdlü Sadıxzadə Ruhin Veyis oğlunun idarə etdiyi “İJ Planeta 5” markalı motosiklet toqquşub. Nəticədə motosikletin 19 yaşlı sürücüsü R.Sadıxzadə hadisə yerində ölüb.
Hər iki faktla bağlı cinayət işi başlanaraq istintaq aparılır.
