Astarada avtomobil qadın piyadanı vuraraq ÖLDÜRDÜ - FOTO

Astarada baş verən faciəvi yol-nəqliyyat hadisəsi bir nəfərin həyatına son qoyub. 

Sfera.az-a xəbər verir ki, hadisə Pensər kəndində axşam saatlarında qeydə alınıb. 

1985-ci il təvəllüdlü Qismət Feyziyev "VAZ-2104" markalı avtomobili idarə edərkən nəqliyyat vasitəsinə nəzarəti itirib və piyada Xəyalə Nəsirovanı vurub. 

Təəssüf ki, qadın aldığı ağır xəsarətlərdən hadisə yerində dünyasını dəyişib.

Avtomobil daha sonra yol kənarındakı internet dirəyinə çırpılıb və dirək yararsız hala düşüb. İlkin məlumatlara əsasən, qəzaya yağışlı hava şəraiti səbəb olub. Hazırda baş verənlərlə bağlı araşdırma davam edir.