Yevlax şəhərində ümumi sahəsi 64 kvadratmetr sahəsi olan fərdi evdə yanğın olub.

Sfera.az-ın məlumatına görə, hadisə nəticəsində 2000-ci il təvəllüdlü S.Kərimov və onun iki yaşlı oğlu yanıq xəsarətləri alıb.

Zərərçəkənlər xəstəxanaya çatdırılıb.

Hadisə nəticəsində üçotaqlı ev tam yanıb. Yanğın Fövqəladə Hallar Nazirliyinin Yevlax rayon Yanğından Mühafizə Hissəsinin yanğınsöndürənləri tərəfindən söndürülüb.

Faktla bağlı araşdırma aparılır.