Bakıda yaşayış binasında yanğın, 10 nəfər təxliyə edildi
![Bakıda yaşayış binasında yanğın, 10 nəfər təxliyə edildi](https://sfera.az/photo/orginal/2024/07/14/1720959932_fhn-2.jpg)
Hadisə
16:33 / 14.07.2024
5234
Bakıda yaşayış binasında yanğın olub.
Fövqəladə Hallar Nazirliyindən Sfera.az-a verilən xəbərə görə, məlumata görə, Suraxanı rayonunda dördmərtəbəli yaşayış binasının 2-ci mərtəbəsində ümumi sahəsi 84 m² olan 2 otaqlı mənzilin bir otağının yanar konstruksiyaları 20 m² sahədə yanıb. Yüksək temperaturdan mənzilin dəhlizi 8 m² sahədə qarsalanıb və 3-cü mərtəbədə yerləşən mənzilin 1 ədəd plastikdən ibarət pəncərəsi əriyib.
Yanğın zamanı yanğınsöndürənlər tərəfindən 10 nəfər bina sakini təhlükəsiz əraziyə təxliyə olunub.
Mənzillərin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.