Rusiyadakı son vəziyyət: Bu gün və sabahla bağlı XƏBƏRDARLIQ EDİLDİ
Rusiyada baş verən sel fəlakətindən sonra evakuasiya və xilasetmə işləri davam edir.
Sfera.az bildirir ki, Orenburq Hidrometeorologiya Mərkəzi bu gün səhər saatlarında açıqlama verib.
Qeyd olunub ki, Ural çayında suyun səviyyəsi bir gündə 25 santimetr artaraq 897 sm-ə çatıb. Səlahiyyətlilər təhlükəli səviyyənin 930 sm olduğunu vurğulayıblar.
Mütəxəssislər suyun səviyyəsinin bu gün və sabah artaraq aprelin 10-da pik həddə çatacağını bildiriblər.
Rusiya Fövqəladə Hallar Nazirliyi isə dünən bölgəyə əlavə birliklər göndərib. Həmçinin, nazirliyin rəhbəri Aleksandr Kurenkov ölkənin regionlarında su basmış əraziləri yoxlamaq üçün əraziyə gedib.
Qeyd edək ki, keçən həftə xüsusilə Orenburq bölgəsində buzların əriməsi ilə başlayan sel Orsk şəhərindəki bəndin uçmasına səbəb olub, yüzlərlə insan təxliyə edilib.
Günay
