Rusiyalı müxalifətçi Aleksey Navalnı VƏFAT ETDİ

Rusiyalı müxalifətçi Aleksey Navalnı vəfat edib.

Sfera.az bildirir ki, bu barədə Yamalo-Nenets Muxtar Dairəsinin Federal Penitensiar Xidməti məlumat yayıb.

“Hazırda onun ölüm səbəbləri araşdırılır”, deyə bildirilib. Qeyd edək ki, rusiyalı müxalifətçi 1976-cı il iyunun 4-də Moskva vilayətində doğulub. Rusiya Xalqlar Dostluğu Universitetinin hüquq fakültəsini bitirib, Rusiya Hökuməti yanında Maliyyə Akademiyasında, ABŞ-nin Yel Universitetində də təhsil alıb. Dövlət başçısı Vladimir Putinin ən sərt əleyhdarı kimi ad çıxaran Aleksey Navalnı 2013-cü ildə 5 il, 2014-cü ildə 3 il 6 ay müddətinə şərti həbs cəzasına məhkum edilib.

Dəfələrlə inzibati həbs cəzası alıb.

Günay