Oğuzda avtomobil ağaca çırpılıb, xəsarət alanlar var
![Oğuzda avtomobil ağaca çırpılıb, xəsarət alanlar var](https://sfera.az/photo/orginal/2024/02/11/1707638086_e6.jpg)
13:59 / 11.02.2024
6281
Şəki sakinləri Oğuzda qəzaya düşüb, xəsarət alanlar var.
Sfera.az Unikal.az-a istinadən xəbər verir ki, hadisə Oğuz-Şəki-Yevlax avtomobil yolunun rayonun Yaqublu kəndi ərazisindən keçən hissəsində qeydə alınıb.
Belə ki, Şəki rayon Qayabaşı kənd sakini, 1973-cü il təvəllüdlü Əzizov Elşən Ələfsər oğlunun idarə etdiyi “VAZ-2109” markalı avtomobil yol kənarındakı ağaca çırpılıb. Nəticədə sərnişinlər, 1994-cü il təvəllüdlü Əzizov Eyvaz Fərman oğlu və 1994-cü il Orucov Vəli Bakir oğlu bədən xəsarətləri alıblar. Yaralılar Oğuz Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.