Sabirabadda təcili yardım maşını qəzaya uğrayıb, 5 nəfər xəsarət alıb 

Sabirabadda təcili yardım maşını ilə digər avtomobilin toqquşması nəticəsində 5 nəfər xəsarət alıb. 

 

Sfera.az report-a istinadən xəbər verir ki, hadisə rayonun Qalağayın kəndi ərazisində qeydə alınıb. 
 

İlkin məlumata görə, İmişli rayonuna məxsus təcili yardım maşını “VAZ-21011” markalı avtomobillə toqquşub. 

Yaralılar Sabirabad Rayon Mərkəzi Xəstəxanasına çatdırılıb. 
 

Hazırda xəsarət alanların şəxsiyyəti müəyyənləşdirilir. 
 

Faktla bağlı araşdırma aparılır.