Bakının mərkəzində yol qəzası baş verib.

Sfera.az APA-ya istinadən xəbər verir ki, hadisə bu gün saat 12.15 radələrində Səbail rayonu, Vaqif küçəsində qeydə alınıb. “Mercedes Benz Gelandewagen” markalı, 90 TG 099 dövlət nömrə nişanlı avtomobil “Toyota Prado” markalı, 90 BE 625 dövlət nömrə nişanlı maşınla toqquşub.

Zərbənin təsirindən “Toyota Prado” aşıb. Nəticədə hər iki avtomobilin sürücüsü yüngül xəsarət alıb.

Hazırda yol polisi hadisə yerində araşdırma aparır.