Yavər Bağırovun ölümü ilə bağlı cinayət işi açıldı
![Yavər Bağırovun ölümü ilə bağlı cinayət işi açıldı](https://sfera.az/photo/orginal/2023/09/05/1693895327_prokurorluq.jpg)
11:00 / 05.09.2023
2089
Şirvan sakininin qətlə yetirilməsi ilə bağlı cinayət işi başlanıb.
Şirvan Şəhər Prokurorluğundan Sfera.az-a verilən məlumata görə, sentyabrın 4-də saat 19 radələrində Şirvan şəhər sakini 1963-cü il təvəllüdlü Yavər Bağırovun yaşadığı evdə ölməsi barədə şəhər prokurorluğuna məlumat daxil olub.
Araşdırma zamanı 1972-ci il təvəllüdlü Elşən İslamovun aralarında yaranmış mübahisə zamanı tanışı Yavər Bağırova bıçaqla xəsarət yetirməklə onu qəsdən öldürməsinə əsaslı şübhələr müəyyən edilib.
Faktla bağlı Şirvan şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanılıb, Elşən İslamov şübhəli şəxs qismində tutulub.
Hazırda ibtidai istintaq davam edir.