5000 illik meqalitik məzarın sirləri açıldı - FOTO
İspan arxeoloqları İspaniyanın cənubundakı Antequera arxeoloji sahəsində maraqlı kəşf ediblər. “Yatan nəhəng” kimi tanınan məşhur “La Peña de los Enamorado”nu kəşf edərkən, əvvəllər görmədikləri bir məzara rast gəlinib.
Sfera.az bildirir ki, bu ərazi eramızdan əvvəl üçüncü və dördüncü minilliklərə aid olan tarixdən əvvəlki meqalitləri ilə tanınır.
“Yatmış nəhəngin sinəsi”ndə gizlədilmiş Piedras Blancasın meqalitik məzarı 5000 ildir sirr olaraq qalır. Araşdırmaya görə, bu düzbucaqlı daş quruluş ən azı 5000 il əvvəl tikilib və e.ə e. 1950-1180-ci illər arasında tərk edilməzdən əvvəl minilliklər boyu üç fərqli mərhələdə istifadə edilib.
Tədqiqatın aparıcı müəllifi, Sevilya Universitetinin professoru Leonardo Qarsia Sanjuan Piedras Blancasın məzarı yerinin diqqətlə seçildiyini bildirib.
Tədqiqatçılar müəyyən ediblər ki, məzarın daş plitələri yay gündönümündə günəşin çıxması ilə dəqiq şəkildə üst-üstə düşür. Dərin həkk olunmuş plitələrdən bəziləri elə yerləşdirilmişdi ki, doğan günəşdən gələn işıq yay gündönümü zamanı kameranın arxasına dəysin.
Qeyd edək ki, Antequeradakı ən qədim meqalitlər eramızdan əvvəl 3000-ci ilə aiddir. Burada eyni zamanda düzbucaqlı daş türbə tikilmişdir.
Tədqiqata görə, cəsədlər böyük yastı daş platformaya qoyulmuş, məzarda keramika qurbanları qalmışdır. Daha sonra çürüyən meyitlər platformadan çıxarılıb və ətrafdan 40 diş və 95 sümük tapılıb.
Təxminən eramızdan 2500 il əvvəl türbə yenidən qurulub, buraya iki dəfn üçün taxçalar qoyulub. Bu, çox güman ki, eyni vaxtda və ya bir əsr sonra dəfn edilmiş hörmətli şəxslərə, (ehtimal ki, kişi və qadına) aid olub. Tədqiqatçılar həmçinin döşəmədə günəşin doğuş istiqamətinə yönəlmiş üçbucaqlı, ox kimi daş tapıblar.
Tədqiqatçıların fikrincə, Piedras Blancasdakı məzar daha bir əhəmiyyətli transformasiyaya məruz qalıb. Girişə daşlar qoyulub, sanki onu bağlayıb və ya möhürləyiblər. Ərazidə azı iki uşaq və üç qadının sümükləri basdırılıb.
Məzar daha sonra tərk edilmiş və o vaxtdan bəri toxunulmamış qalmışdır. Kəşf qədim sivilizasiyanın dini təcrübələri və sosial iyerarxiyası haqqında dəyərli məlumatlar verir.
Aysel
Sfera.az
