Bakıda tikinti materiallarının satışı mağazasında yanğın - Xəsarət alanlar var
Hadisə
19:21 / 09.01.2023
12995
Bu gün paytaxtın Nərimanov rayonu, Ziya Bünyatov prospekti, FAB mağazası yaxınlığında yerləşən tikinti materiallarının satışı mağazasında yanğınla müşahidə olunan hadisə baş verib.
Bu barədə Sfera.az-a “Azəriqaz”dan bildirilib.
Bakı Regional Qaz İstismarı Departamentinin rəisi Rauf Əhmədov hadisə haqqında bildirib ki, yanğın nəticəsində obyektdə 2 nəfər xəsarət alıb və tibbi müayinədən keçirilməsi üçün xəstəxanaya yerləşdiriliblər.
Hazırda hadisənin baş vermə səbəbləri ilə əlaqədar yerində araşdırılma aparılır. Obyektin qaz təsərrüfatı və yaxınlığında keçən kommunikasiya xətlərində təsbit işləri görülür. Həmçinin Departament rəisi qeyd edib ki, "Azəriqaz" İB-nin əməkdaşları tərəfindən hadisə yerində müvafiq tədbirlər görülməkdədir.
