Gəncədə tələbələr arasındakı dava ilə bağlı DİN-dən AÇIQLAMA
Gəncədə tələbələr arasında kütləvi dava ilə bağlı DİN açıqlama verib.
Sfera.az xəbər verir ki, bu barədə Bizim.Media-nın yerli bürosuna DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov açıqlama verib:
"Tələbə Həmkarlar Təşkilatının təşkilatçılığı ilə Gəncə şəhər Olimpiya Kompleksində Gəncə Dövlət Universitetinin və Azərbaycan Dövlət Aqrar Universitetinin tələbələri arasında futzal yarışı keçirilib. Bu zaman oyunçular arasında mübahisə və sıxlıq yaranıb.
Sözügedən video ilə bağlı polisə hər hansı məlumat daxil olmayıb, lakin buna baxmayaraq, Gəncə şəhər Baş Polis İdarəsinin əməkdaşları videodakı tələblərlə söhbət aparıb”.
DİN rəsmisinin sözlərinə görə, araşdırma zamanı davada iştirak edənlər arasında hər hansı xəsarətin olmadığı məlum olub.
Araşdırmalar davam etdirilir.
