Vəzifəli şəxsin qızının ölümünə səbəb olan sürücü HƏBS EDİLDİ
Şərur Rayon Məhkəməsində idarə etdiyi avtomobildəki sərnişinin ölümünə səbəb olmuş Müştəba Məmmədova hökm oxunub.
Sfera.az xəbər verir ki, hadisə ötən ilin mayın 2-də baş verib. Qəza zamanı avtomobildə sürücünün bacısı oğlu Nihad Bağırov, bacısı qızı Nurgül Bağırova və bacısı Tunzalə Bağırova olub. Müştəba Məmmədovun idarə etdiyi avtomobil ötmə əməliyyatını kobub şəkildə pozub və qarşıdan gələn digər maşına çırpılıb.
Qəza nəticəsində digər sərnişinlər ağır yaralanıb. Bacısı qızı Nurgül Bağırova isə aldığı xəsarətlərdən dünyasını dəyişib.
Məhkəmənin hökmü ilə Müştəba Məmmədovun barəsində 2 il 6 ay müddətinə azadlıqdan məhrumetmə cəzası təyin edilib.
Qeyd edək ki, qəzada həyatını itirmiş Nurgül Bağırovanın atası Faiq Bağırov yüksək vəzifəli şəxsdir. O, Naxçıvan Muxtar Respublikasında rayonlardan birində idarə rəisi vəzifəsində çalışır.
Nəzrin
