Dava edən qonşuları ayırmaq istəyən şəxs öldürüldü
Hadisə
10:40 / 15.07.2022
10098
Gəncə şəhərində mübahisə edən qonşuları ayırmağa çalışan kişini avtomobillə vurub öldürüblər.
Sfera.az xəbər verir ki, Gəncə şəhərində qonşular arasında mübahisə düşüb. Bu zaman onları ayırmağa çalışan, 1952-ci il təvəllüdlü Alim Müslüm oğlu Babayevi mübahisə edən qonşulardan biri VAZ markalı avtomobillə vurub.
O, ağır xəsarətlərə xəstəxanaya aparılsa da, orada dünyasını dəyişib.
Qeyd edək ki, qonşular arasında düşən mübahisədə 1957-ci il təvəllüdlü S.Bağırova da müxtəlif bədən xəsarətləri alıb və xəstəxanaya yerləşdirilib.
Mübahisənin səbəbləri və hadisəni törətməkdə şübhəli bilinənin şəxsiyyəti hələ ki məlum deyil.
Faktla bağlı araşdırmalara başlanılıb. (Report)
