"165"in sərxoş sürücüsü 3 avtomobili əzdi - FOTO
Hadisə
21:07 / 01.05.2022
2070
Bu gün Binəqədi rayonunda marşrut avtobusu zəncirvari yol qəzası törədib.
Sfera.az xəbər verir ki, 165 saylı marşrut xəttinə məxsus olan 10 TH 030 dövlət qeydiyyat nişanlı, "Daewoo” markalı sərnişin avtobusu Sulutəpə qəsəbəsində yolun kənarında dayanmış üç minik avtomobilini vurub.
Nəticədə "VAZ”, "KİA” və "Hyundai” markalı atomobillərə ziyan dəyib. "KİA” markalı maşına daha çox ziyan dəyib və tam yayarsız hala düşüb.
Bildirilir ki, 165 saylı marşrut xətti Mehdiabad-Yasamal istiqamətində fəaliyyət göstərsə də, bu gün günorta saatlarında xəttə məxsus 10 TH 030 nömrə nişanlı avtobusun sürücüsü nahar etmək üçün nəqliyyat vasitəsi ilə birlikdə Sulutəpədəki evə gedib. Evdə nahar etdikdən sonra sürücü sərxoş vəziyyətdə avtobusu idarə edərək işə qayıtmaq istəyib və qəsəbə ərazisində zəncirvari qəza törədib.
